പ്രഭാത ഭക്ഷണം തീരെ കഴിക്കാത്തവരും ഇടയ്ക്കിടെ കഴിക്കുന്നവരും ഇതൊന്ന് വായിക്കൂ ; പ്രത്യേകിച്ചും പ്രവാസികൾ...

      
         പഴയ കാലത്ത് ഒരു ചൊല്ല് ഉണ്ട് ,രാവിലെ രാജാവിനെ പോലെയും ഉച്ചയ്ക്ക് രാജ്ഞിയെ പോലെയും രാത്രി പിച്ചക്കാരനെ പോലെയും കഴിക്കണമെന്ന്.പക്ഷേ ഇന്ന് എല്ലാം നേരെ തിരിച്ചാണ്.പ്രഭാത ഭക്ഷണം (Breakfast) നേരാവണ്ണം  കഴിക്കത്തവരാണ് പലരും.
രാത്രി നീണ്ട സമയം ഒന്നും കഴിക്കാതെ രാവിലെ എഴുന്നേറ്റ് കഴിക്കുന്നത് കൊണ്ട് തന്നെയാണ് Breakfast  എന്ന പേര് തന്നെ വന്നത്.
നമ്മുടെ ശരീരത്തിന്റെ ഉന്മേഷവും ഓർമ്മ ശക്തിയും കൂട്ടുന്നത് കൊണ്ട് തന്നെ പ്രഭാത ഭക്ഷണത്തെ തലച്ചോറിന്റെ ഭക്ഷണം എന്നും പറയാറുണ്ട്.

പ്രഭാത ഭക്ഷണം ഉപേക്ഷിച്ചാൽ

പ്രഭാത ഭക്ഷണം കഴിക്കുന്നവരെയും  കഴിക്കാത്തവരെയും വെച്ച് പഠനം നടത്തിയപ്പോൾ പ്രഭാത ഭക്ഷണം ഒഴിവാക്കുന്നവരിൽ ഹൃദയ സ്തംഭന മൂലമുള്ള മരണ സാധ്യത കൂടുതലാണെന്ന് തെളിഞ്ഞിട്ടുണ്ട്. പലപ്പോഴും നാം പല പ്രവാസികളും ഹൃദയ സ്തംഭന മൂലം മരണപ്പെട്ടു എന്ന വാർത്ത കേൾക്കാറുണ്ട് .പ്രഭാത ഭക്ഷണം ഒഴിവാക്കുന്നത്
 ഇത്തരം മരണങ്ങൾക്ക് കാരണമാകാറുണ്ട്.ജോലിത്തിരക്ക് കാരണം Breakfast ഒഴിവാക്കുന്നവരാണ്  ബഹുഭൂരിഭാഗം പ്രവാസികളും.
              ഇതിന് പുറമെ പ്രമേഹം പോലുള്ള പല ജീവിത ശൈലീ രോഗങ്ങൾക്കും പ്രഭാത ഭക്ഷണം ഉപേക്ഷിക്കുന്നത് കാരണമാവാറുണ്ട്.

എന്തൊക്കെ ഉൾപ്പെടുത്തണം ?

             മലയാളികളുടെ പ്രഭാത തീൻമേശയിലെ  നിത്യ സന്ദർശകരാണ്  ഇഡലിയും ദോശയും.ഇതിന്റെ കൂടെ ധാന്യങ്ങളും പഴവർഗങ്ങളും ഉൾപ്പെടുത്തൽ  അത്യാവശ്യമാണ്.

*രാവിലെ എഴുന്നേറ്റ് ഉടനെ ഒരു ഗ്ലാസ്സ് വെള്ളമെങ്കിലും കുടിക്കുക.
*ഓട്സ് - കൊളസ്ട്രോളും ബ്ലഡ് പ്രഷഷറും  കുറയ്ക്കാൻ സഹായിക്കുന്നു.
*മുട്ട - വിറ്റാമിനും പ്രോട്ടീനും നൽകുന്നു.
*തണ്ണിമത്തൻ- ഹൃദയത്തിന്റെയും കണ്ണിന്റെയും പ്രവർത്തനത്തെ സഹായിക്കുന്നു.
*ബ്ലൂ ബെറി- ഓർമ്മ ശക്തി കൂട്ടുന്നു.
*തേൻ - എനർജി കൂട്ടുന്നു, മെറ്റബൊളിസത്തെ  സഹായിക്കുന്നു, പൊണ്ണത്തടി കുറയ്ക്കുന്നു.

           ഇവ തുടങ്ങി ബ്രഡ്, നട്സ്,ഗോതമ്പ്, ജ്യൂസ്‌ ഉൾപെടുത്തുന്നത് ആരോഗ്യത്തിന് നല്ലതാണ്.
            ശരീരത്ത് ആവിഷ്യമായ പോഷകാഹാരങ്ങൾ ലഭിക്കുന്നതാവട്ടെ... നമ്മുടെ ഓരോ പ്രഭാതവും.



Post a comment

4 Comments